致電 whatsapp 我們
+852 2524 3010
+852 2524 3010
開始約會
開始約會

蘋果新聞 Apple Daily – 單身女擇偶條件離地 「無百萬年薪唔考慮」


單身女擇偶條件離地 「無百萬年薪唔考慮」

《蘋果動》主辦嘅配對節目《愛情DQ掣》,正在為參加者準備第二次約會,趁有空檔,同大家傾吓「條件」兩個字。

點解講「條件」?因為節目最初係話,「為有條件嘅單身男女而設」,雖然十位參加者未必全部都十分有條件,但算係比上不足,比下有餘,亦勝在全部都係後生仔女,仲有「青春」呢個條件。

製作組採訪咗配對公司Lunch Actually,其香港區總經理林雪詠話,現實中,多數客人都係30歲或以上,「尤其女士,過咗30歲就好急想搵對象。」林話佢哋嘅客人以專業人士為主,例如工程師、IT、護士、老師等,基本年薪都有25萬或以上,亦正正因為佢哋喺經濟上、教育程度上條件唔差,所以揀對象時,會設定咗「擇偶條件清單」,話想搵點點點嘅人。林雪詠話遇過離地客人,「女士嘅會向錢看,最離地係要求男士有百萬年薪或以上,否則唔會考慮;而男士主要要求外表,最離地嘅,係希望我哋搵似某某藝人嘅對像畀佢。」

條件太高會變成阻礙,不過,有時話就話有條件,其實又未必存在。最初製作組揀選參加者嘅時候,都暗地裏為佢哋配對過,好似泰拳Debby喺表格寫,希望對象職業係IT,就以為佢同有樓男Steven會配對成功,點知Debby揀咗幽默Youtuber浩嵐。銀行仔Derek就喺表格寫,希望對象係老師,點知Miss思雅唔係佢杯茶,都係揀靚女法拉bb Sumi同泰拳Debby。傳聞話有樓有高潮,結果幽默先成為全場亮點。

林雪詠話,其實唔少客人都唔清楚,自己搵緊一個點樣嘅對象,「試過最誇張嘅客人,約會咗40至50次都唔成功,其實大家要明白,愛情唔係符合到條件,就相處到。」佢又話,有時客人都未必察覺自己有咩問題,「有女士會認為,如果男士鍾意我,就會鍾意我所有嘢,唔使化妝,做啲假嘢出嚟,但係男士都係視覺系動物,第一眼都唔鍾意,已經無晒機會。」

男士係視覺系動物一啲都無錯,好似喺初次見面時,五位男參加者中,佔咗三位包括有樓男Steven、文青Daniel同銀行仔Derek,佢哋嘅第一印象都落喺外表好似陳法拉嘅Sumi度。所以,對於去約會時嘅打扮,林雪詠建議女仔最好化淡妝、着長裙同高踭鞋,男仔就以整潔為主。林雪詠話如果想脫單,有三點要記住。
1. Be The Right One(做對的人)
要求別人有條件嘅同時,問問自己係咪準備好,係咪有條件做人哋嘅男/女朋友,先從自己著手,注意外表,提升談吐技巧,學習同異性相處。

2. Choose The Right One(選對的人)
縮窄條件清單範圍,只選三個必要條件和三個必定不可接受條件,增加有潛質嘅對象人數。

3. Meet The Right One(見對的人)
好好安排每日行程,切忌只顧工作,要抽時間出去約會認識朋友。

而首次約會,以配對方式嘅話,林雪詠建議最好食飯傾計,會最有效咁互相了解,佢話,「第一次見最好傾啲生活化話題,譬如興趣、旅行等,唔好講太多工作,因為一講起工作就會好多嘢呻,講老闆或者OT,就會出現好多負能量。」

蘋果新聞 Apple Daily – 單身女擇偶條件離地 「無百萬年薪唔考慮」


建議文章

跨國交友約會公司Lunch Actually 「2019年亞洲及香港單身人士選擇約會對象的年趨勢調查」
跨國交友約會公司Lunch Actually 「2019年亞洲及香港單身人士選擇約會對象的年趨勢調查」
持續6年逾 60% 香港單身男女有意約會外籍人士 增加28%香港單身女士願意接受與收入較低的男士約會 首推海外約會服務「PEERAGE」及「閃亮人生」改造計劃 聖誕及情人節臨近,很多單身人士都渴望能有另一半對...

了解更多

跨國交友約會公司Lunch Actually 以香港為首站  推出一站式「閃亮人生」改造計劃
跨國交友約會公司Lunch Actually 以香港為首站 推出一站式「閃亮人生」改造計劃
供單身男女和已婚人士遇見更優秀自己和進入幸福戀愛之門要訣 專業美容及造型師指導打造全新外型 「Be Your Wingman」選項服務開創本地交友約會服務先河 專業社工及心理學家分享「出 Pool」和愛情保鮮要訣 新...

了解更多

嘴裡說愛你,就是真的愛你?
嘴裡說愛你,就是真的愛你?
嘴裡說愛你,就是真的愛你? 最近,一位「 死性不改」的男子組合其中一位歌手忽然成婚兼擺百日宴,卻惹來已知的女友留言欲在「醫院見」。 「明明前幾日才見過面,明明前幾日才說愛我...」她這樣道。想不到...

了解更多

建立您的Lunch Actually個人檔案並開始約會吧
100% 已驗證的個人資料
100% 保密
建立您的Lunch Actually個人檔案並開始約會吧
100% 已驗證的個人資料
100% 保密
女性男性

一經此表格登記,你同意:Lunch Actually的中介政策

這網頁是受到reCAPTCHA保護及 Google私隱條例以條款生效。